Tum sath ho mere..par kuch kami si hai
ehsas hai tumhara..par pehle jaisa nahi
baatein hain vhi..halat bhi vhi..par kuch kami si hai
na jane kya kum hai..tum me..ya mujh me
na jane kya kho gya hai..tum me..ya mujh me
Baat nahi itni badi , ki tumse shikwa ya shikayat karu
par fir bhi, mujhe jagati hai raat bhar
sochne par majbur karti hai
jane kya baat hai ki…
Tum sath ho mere..par kuch kami si hai
ehsas hai tumhara..par pehle jaisa nahi.
Shayd koi dar hai is dil mein
koi bura sapna, jo sach ho gya tha kabhi
tumhare jane se darti thi main
kyuki tumse pyar bohot karti thi main
Toot kar bikhar gya tha dil mera
jab yakin hua ki fir na dekh paugi tumhe
roi thi bohot ye ankhein meri
jab yakin hua tum ab nahi ho vhi
jo kehta tha jee na pauga main
agr hona alag tumse pda
Ek waqt ais abhi aya tha
jab nafrat karna chahti thi tumse
bhul kar tumhari har bat
sirf dard bharna chahti thi dil me
Par mujhse na ye ho paya
jab kamiyon ko tumhari tha maine apne dil se lgaya
to nafrat kaise kar leti tumse
kyuki tum the mera hi ek saya
Fir haar kar tumhe aur khud ko maaf kia is dil ne
tumhe..mujse kiye vade na nibhane k liye
aur khud ko…tumse had se zada pyar jatane ke liye
Par fir bhi..khi tha yakin
mera vo pyar mehsus kia hai
tumne nahi to us rab ne
jisne dekha tha meri un ankho ki rangat ko
jo roti thi tumhari ek jhalak pane ko
Shayad usi ne tumhe vapis bulaya
mere tute dil ko fir apna bnane
Shayad tabhi tum vapis ae
humara pyar koi khel nahi tha ye dikhane
Par dil tha bohot dara hua
fir se tut jane ke dar ne
na hone dia mujhe beparvah
Ek fasla sa tha rakha maine
socha tha fir na itna paas augi
ki dur hone par fir toot jae ye dil
Par..
Tumhare badle andaz the
tum jatate bohot pyar the
mujhe hone lga tha yakin
ki sach ho gye mere ache khwab sabhi
Suna tha khi ki jise jaan se zada chaho
vo bhi tumhe chahe to kismat ki baat hai
Paon zamin par se uthne lge the
Jab vapis aye the tum
MERE LIYE sirf MERE LIYE
Par waqt badal gya hai ab
ye jtane lge hain tumhare alfaz
main hu vhi ,tum ho vhi
par badal gye fir tumhare andaz
Main vhi andaz chahti hu
vahi pyar chahti hu
par shayad ab kuch badal gya hai
tum me ..ya mujh me
Na jane kaise samjhaun tumhe
kuch shabdo ki kami si hai
kuch dil mein baat dabi si hai
Janti hu tumhe itna ki
keh bhi du to samajh na paoge tum
Samajh bhi gye to shayad
mere dil ka mazak banaoge tum
Ab fir se vhi dar satane lga hai
tumse fir dur hone ka khwab ane lga hai
Khwab mein jb kabhi tumko kho deti hun
uth kar bohot ro deti hu
Chahti hu ab bas itna ki
tumhare man me kabhi ye khayal bhi na ae
mujhse dur hone ka dar
tumhe bhi meri ehmiyat sikhae
Janti hu main ki
itni khas nahi hun main
mujhse kai hain is duniya mein
Par fir bhi chahti hu ki
tumhare liye khas rahu
sirf main hi ..sirf main hi
Tumhari zindagi me na ae koi mere siva
ye khudgarz nahi
ek pyar bhara dil kehta hai mera
Jo jaanta hai ki
Chaah na paega koi tumhe
AISE.. mere siva…….